Boswell

pig1129

抽斗一年多！ 終於如願以償得到一枝Boswell Pipe! 還記得一年前開始抽斗時已經喜歡上Boswell啲斗！ 同店主溝通時佢話唔會特別為客人做訂制斗的， 如喜歡可每隔兩至三週到其網頁睇睇新一期做起既斗選購！經過一年， 就算我預到喜歡既斗型， 每當一按Refresh制， 該斗就已經標注SOLD! 事關我係香港斗客， 身處香港係無可似快得過美國本土斗客選購斗， 第一個最大既問題就係時差..., 人家本土斗客只看上其喜歡的斗， 打過電話比店主就已經SOLD OUT, 身處香港既我望見我喜歡既斗經已係十數小時以後的事， 根本無可能買到！無奈無奈！如是者繼續定期睇睇網頁， 一年後我再Send email比店主， 同佢講述我因地方及時差問題， 根本無可能買到其店家的斗(最大原因係店主唔接Custom Made Order), 我同店主講我非常喜歡其制作之Nose Warmer彎斗， 我大膽問Dan Boswell(J.M Boswell“斗匠“兒子)佢如果店內斗架上有類似既斗， 可否通知我及預留比我呀！ 幾日後2015聖誔前夕就收到Email話J.M Boswell 答應做一枝我喜歡既類型的斗比我！ Oh My God, really! Appreciate Man!  如是者又等等等， 過了一個星期，兩個星期， 一個月我都無再收到回覆！ 2016年2月我再Email Boswell話如果佢地無穹去做新斗， 我就只係買草就算數！心情好灰， 點知一日後收到Email話佢地原來係2016年1月已send左email比我仲內附幾張斗相片問我喜歡邊類型佢地就做比我！ Oh Man, 我同佢講話我根本收唔到任何Email, 跟手我再用其他account email同佢地溝道！如是者，我喜歡左一年既Boswell斗已經做起， 哈哈！ 大家都係講過“信“字， 我還未付款斗經已經USPS寄出， 當然我收到Paypal帳單後立即付款！一個星期後斗已寄到香港我家！我滿心歡喜地拆開， Boswell呀，Boswell! 我終於可以擁有妳啦！

在此聲明， 呢枝並不是什麼大師斗， 石楠本木亦不是上等Death Root Briar! 只不過係我一個情意結， 喜歡上的一個品牌！

昨晚和三五斗友再斗聚抽抽斗， 吹吹水， 好不快樂， 由下午6時傾計食飯抽斗再抽雪茄， 散場時已經係凌晨12時過後！ Boswell到左我手一個半星期有多，終於開斗了， 我當然係用返Boswell既煙草， Boswell Premium Burley去開！斗砵大小還可以， 裝好一斗足夠抽一小時以上！由於呢一枝斗係我第一枝彎斗， 我好喜歡！ 認真點評後缺點係煙氣會攻到眼睛， 但抽吸角度可以自己控制！ 斗身算非常平衡， 輕身， 用口擔住可以好舒服邊抽斗邊做其他事情， 相信呢個係彎斗既優點！ 抽吸自然暢通暢順， 無阻力！ 煙道係3mm!  斗砵石楠木材用料我覺得很好， 手持平衡度很舒服！ 枝Stem係Custom Made, 顏色花紋好特別！ 一斗裝至差不多滿抽吸一小時， 過程順利！ 抽吸舒服！以$1100-HKD黎講唔算昂貴！抽完後斗砵無積水情況出現， 當然呢個情況同草既乾濕度都有非常大關係！

總括黎講， 呢枝斗我非常喜歡， 在此分享我的喜悅比各師兄， Thank You

[ 本帖最后由 pig1129 于 2016-3-4 10:27 编辑 ]

雾中的缠绵

师兄好文章，枝斗亦好靓

但咁长葛文叫我点同你翻译

pig1129

原帖由 雾中的缠绵 于 2016-3-4 17:40 发表

                               
登录/注册后可看大图

师兄好文章，枝斗亦好靓

但咁长葛文叫我点同你翻译

唔好意思， 師兄， 廣東語未必每位看得懂， 但我文筆墨水只係得咁多， 請多多包涵

jt

congrats   

KKTAMSIULUN

恭喜恭喜！